आगामी फाल्गुण २१ गते मा हुने निर्वाचनलाई दृष्टिगत गर्दै, देश बाहिरबाट गरिने वाह्य मतदान र जिल्ला बाहिरबाट गरिने मतदान को बारेमा सरोकार राख्ने नागरिक समाज र अन्य सम्बद्ध संस्थाले निर्वाचन आयोग-नेपालका कार्यवाहक प्रमुख मा. राम प्रसाद भण्डारी समक्ष ज्ञापनपत्र बुझाइएको छ । यस ज्ञापनपत्रमार्फत, यी दुई मुख्य मुद्दामा तत्काल ध्यान दिन आग्रह गरिएको छ । निर्वाचन आयोगले उक्त ज्ञापनपत्रको गम्भीरतापूर्वक समीक्षा गर्ने र निर्वाचन प्रक्रियालाई सबैको पहुँचमा ल्याउने अपेक्षासमेत गरिएको छ।
